A Nijeriya: 20 ga Yuli za a yi babbar Sallah -Sultan

Sarkin Musulmi a Nijeriya, Alhaji Sa’ad Abubakar III ya bayyana Lahadi a mat­sayin 1 ga watan Zul-Hijja na shekarar hijira ta 1442, wadda ta yi daidai da 11 ga Yulin 2021.

Hakan na nufin za a gu­danar Idin Babbar Sallah ranar Talata, 10 ga Zul-Hi­jja wanda ya yi daidai da 20 ga watan Yulin 2021.

Bayanin na cikin wata sanarwa da Farfesa Sam­bo Wali Junaidu ya sanya wa hannu, wanda shi ne shugaban kwamatin sha­warwari na Fadar Sarkin Musulmi.

Al’ummar Musulmi na yin bikin Idin Babbar Sal­lah – ko kuma sallar layya – duk ranar 10 ga watan 11 na kalandar Musulunci.

Bikin na bana zai ka­sance cikin matsin tattalin arziki musamman saka­makon annobar korona da kuma faduwar darajar kudi a kasashe masu ta­sowa kamar Nijeriya.