Ganduje, a farfado da Inuwar Jama’ar Kano -Harisu Bello

Daga Jabiru Hassan

Al’umar jihar Kano sun yi kira ga gwamnan jihar Dokta Abdullahi Umar Ganduje da ya farfado da “Inuwar Jama’ar Kano” watau (Kano Forum) ta yadda zata ci gaba da gu­danar da aiyukan ta ka­mar yadda aka sani tun kafa kungiyar.

Mafiya yawan mu­tanen da suka zanta da Albishir sun sanar da cewa ko shakka babu In­uwar Jama’ar Kano tana da muhimmancin gaske musamman irin rawar da ta taka a baya wajen tal­lafawa harkar ilimi da bunkasa yanayin koyo da koyarwa a fadin ji­har Kano, tareda fatan cewa gwamna Ganduje zai duba wannan kira na al’umma kan wannan kungiya.

Malam Harisu Bello, wani malamin makaran­ta daga yankin karamar hukumar Dawakin Tofa, ya shaidawa wakilin mu cewa” zai yi kyau mai­girma gwamna ya farfado da Inuwar Jama’ar Kano saboda muhim­mancin ta ga al’umar ji­har Kano musamman ta fuskar ilimi da kuma ky­autata yanayin koyo da koyarwa, sannan wannan kungiya ta kasance abar alfaharin kanawa duba da irin aiyukan da tayi a baya na alheri” inji shi.

Shima wani tsohon jami’in ilimi a Kano Malam Isah Adamu yace farfado da Inuwar Jama’ar Kano abu ne maikyau kuma kowa yaga irin aiyukan da tayi wajen tallafawa harkar ilimi tun daga tushe, musamman ganin yadda many an mutane kuma masu mar­taba da rikon amana suke cikin wannan kungiya.

Wakilin mu wanda ya ziyarci babban ofish­in kungiyar ta Inuwar Jama’ar Kano dake kan titin Lawan Dambazau ya ruwaito cewa anyi watsi da gine-ginen ofisoshin da aka fara a cikin hesik­watar kungiyar sannan babu wani aiki da aka gudanatwa domin ci ga­ban al’uma duk da cewa kungiyar tana da matu­kar muhimmanci.

Wasu ma’aikatan gurin da suka bukaci a sakaya sunayen su sun bayyana cewa ba’a ko­mai a wannan guri kuma komai ya tsaya saboda rashin farfado da aiyukan wannan kungiya, sannan sunce akwai bukatar sake bunkasa ta da bats dam­ar yin aiki kamar yadda manufifin kafata suke, tareda yin jinjina ga gwa­mantin Ganduje saboda kokarin da take yi wajen bunkasa jihar Kano ta kowane fanni.