Gwamnatin Sakkwato: A dauki matakan kara yawan jami’an tsaro a Isa –Danbuga

Tura wannan Sakon

Musa Lemu Daga Sakkwato

An yi kira ga gwam­natin jihar Sakkwa­to da ta mayar da hankalinta kacaukan a garin Isa, domin tabbatar da sanya kwararran matakai kan tsaro.

Daukar matakin ya zama wajibi ganin yadda al amuran tsaro ya tabarbare a yankin a inda yan ta’addan suke cin karansu ba babbaka.

Wannan kira ya fito ne daga wajen shugaban ka­ramar hukumar Sabon Birni, Alhaji Jelani Danbuga a yayin da yake zantawa da manema Labarai a Sakkwa­to kan tabarbarewar tsaro a garin Isa.

A yayin da yake bayani ga manema labarai ranar Talatar da ta gabata, shuga­

ban ya ce, ‘yan ta’addan suna cin karansu ba babba­ka a garin Isa, musamman a cikin kauyukan Gazau da Lugu kazalika da garin Modaci a inda a kullum al‘ummar wadannan yanki suke cikin zulumi da tashin hankali.

Jelani Danbuga ya tab­batar cewa, jama’ar garin Isa sun san wadannan ‘yan ta’adda domin kuwa tare dasu suke mu’amula a kul­lum, musamman ta fuskar harkokin kasuwancinsu na yau da kullum.

Ya ce, ya kamata gwam­nati ta tashi tsaye domin magance ta’addanci ta fus­kar kara yawan jami’an tsaro, domin cim ma na­sarar murkushesu ganin yadda suka yi katutu a wan­nan yanki.

Alhaji Danbuga ya bayyana cewa, a halin yan­zu an sami sa’ido sosai a garin Sabon Birni, bisa dali­lin samun kwararrun tsaro musamman a garuruwan Burkusuma Sabon Birni da Adabawa kazalika da kauy­en Tsaburawa.

Shugaban karamar hu­kumar ya ce, wadannan ‘yan ta’adda suna fitowa ne daga garin Isa su zo garin Sabon Birni su aikata barna su koma garin Isa su boye.

Ya ce, bisa dalilin haka ya yi kira da kakkausar murya ga gwamnati ta sa­mar da karin sojoji tare da ba su kayan aiki, domin su fuskanci wadannan azzalu­mai dake boyo a garurruwa daban-daban ciki har da kauyen Sakiru.

Daga karshe, Alhaji Jelani Danbuga ya tabbatar cewa, a yanzu babu yan gudun hijira a garin Sabon Birni da kewaye kowa ya koma mahaifarsa na hai­huwa.

Leave a Reply

Your email address will not be published. Required fields are marked *

Back To Top