Neja ta rufe makarantun kwana bayan sace daliban Kagara

Gwamnatin Jihar Niger dake Najeriya ta sanar da rufe dauka­cin makarantun kwanan dake kananan hukumomi 4 dake Jihar sakamakon sace daliban makaran­tar Sakandaren Kagara sama da 200 da Yan bindiga suka yi da asu­bahin yau.

Gwamna Abubakar Sani Bello ya bayyana Kananan hukumomin da umurnin ya shafa da suka hada da Munya, Mariga da kuma Shi­roro.

An bayyana sunan dalibin da Yan bindigar suka harbe har lahira lokacin da suka kai hari makaran­tar a matsayin Benjamin Doma.

Rahotanni sun ce Yan bindigar sun harbe Doma ne lokacin da yake kokarin tserewa daga makarantar, bayan anyi garkuwa da su.

Ya zuwa yanzu dai babu raho­tan dake nuna cewar Yan bindigar sun gabatar da bukatar su, yayin da shugaban kasa Muhammadu Bu­hari ya baiwa sojoji da Yan Sanda umurnin kubutar da daliban.