Shekarau ya caccaki masu son dawo da siyasar dabbanci

Tsohon gwamnan Kano, kuma Sanata mai wakiltar Kano Ta Tsakiya Malam Ibra­him Shekarau, ya bayyana damuwa a kan yadda wasu ‘yan siyasa a jihar ke koka­rin farfado da siyasar daba da aka jima da kawar da ita.

Shekarau ya bayyana hakan ne ya­yin wata hira da Sashen Hausa na BBC, inda ya ce babbar illa ce a ci gaba da yin hamayyar siyasa a Kano kamar yadda ake ganin wasu na yi, ta hanyar daukar maka­mai suna far wa abokan hamayyarsu.

Yana magana ne kan batun fitar da wan­da zai gaji gwamnan jihar mai ci Abdul­lahi Umar Ganduje a zaben 2023, inda ya ce akwai bukatar shugabannin jam’iyyar APC na jihar su yi wa kowa adalci, kada a hana duk mai sha’awa tsayawa takara. Ya ce “Babu laifi masu neman muka­mai su fito, yau in masu neman gwamna sun kai mutum 100 karkashin jam’iyyar APC a Kano duk su fito, abun da kawai muke ganin zai zama illa shi ne ya za­mana ana siyasar gaba, wannan kauyanci ne, shirme ne, kuma ya saba wa tarbiyyar addinin Musulunci ma”, in ji shi.