Zaman lumana: Kano ta yi wa takwarori fintinkau- Ganduje

 Daga Mahmud Sani Gambo

Gwamnan jihar Kano, Dokta Abdullahi Umar Ganduje ya ce, jiharsa ta kasance jihar da tafi kowace jiha zaman lafiya a Nijer­iya.

Gwamnan ya bayyana hakan ne a yayin da yake bude babban taron kungiyar editocin Nijeriya wanda take yi duk bayan shekaru biyu-biyu, wanda aka gudanar a Kano.

Ganduje ya ce, yana farin cikin karbar bakuncin taron editocin a jihar, inda ya yaba wa ‘ya’yan kungiyar sa­boda kokarin da saboda kwazonsu da aiki tukuru, inda ya shawarce su da su yi amfani da matsayinsu wajen taimak­awa kan hada kan kasar.

Yan Jaridar Nijeriya suna daya daga cikin ‘yan jaridar da suke da ‘yanci a duniya. Abin da ke da muhimmanci shi ne, su guji rashin bin ka’idar sana’ar ta su a ayyukansu, ”in ji shi.

Ya kuma tunatar da Edito­cin da cewa, su kasance masu

lura da abubuwan da ke faru­wa a kasar na rashin jin dadi, inda ya ce, lokaci ya yi, fiye da kowane lokaci, da ‘yan ja­rida za su taimaka wajen in­ganta zaman lafiya da jituwa a tsakanin mutanen Nijeriya.

Gwamnan ya kuma yi kira ga ‘ya’yan kungiyar da su ka­sance masu suka mai ma’ana alokacin gudanar da ayyukansu.

Daga karshe, ya gargadi ‘ya’yan kungiyar da su zama masu lura da hakko­kin al’umma wajen tabbatar da ‘yancinsu na aikin jarida da kuma bin ka’idojin aikin domin tabbatar da masalaha ga kowa da kowa ba tare da la’akari da kowane bambamci ba.